| 是夜!失眠情況嚴重!!胃痛症又回歸, 可能又感冒入胃啦, 又可能蒲得太多啦, 日日都 LONG ISLAND日日都係酒, 好難得早返又瞓唔著, 係唔係就死呢~出事先算啦~依家聽緊 903聽住哥哥首歌, 諗起好耐好耐之前, 唔知有共同記憶既人記唔記得呢, 哥哥頭一年死忌, PRE AD同學仔係中環campusO岩O岩聽完高志森既talk, 行去搭車既時候經過未裝修既文華同哥哥既fans一齊懷念哥哥, 果時大家好開心, 好天真, 依家唔知大家做緊咩呢, 好耐冇contact啦, 前排同baobao, fiona, sam, kengie, gian的聚會開心到令人忘記所有煩野, 多謝我親愛既同學仔, 有你地我對呢個世界無咁失望, 天氣開始凍啦, 上年呢果時候做緊圖書館, 去見環球嘉年華, 唔知我d好同事, 呀kay啦, simon啦, 中啦, 偉啦, 西人呀tom啦佢地點呢, 韓國單野攪成點呢, 果排真係好擔心你地, 你地都應該返左香港啦, 唔知會唔會見到你地呢, 聖誕節啦, 唔知可唔可以返聖堂過啦, 唔知可唔可以見到你地啦best frds, 我知傑少出trip, 今年聖誕你地唔知有咩活動啦, 不過我都知大概係果d啦, 嘉麗子又要返工, 剛爺就一定比女友book左啦, 麟爺今年可能得番我同你企左係度o家啦, 今個聖誕可以預期的人面全非, 唔知自己可唔可以面對呢, 應該都會幾唔開心幾無奈, 況且我都可能要返工, 大家都過左一齊hea既日子啦, 仲記得大家果d完左會考日日出街唔知做咩, 由旺角行落尖沙咀, 無無聊聊又一日, 原來又成4, 5年啦, 時間過得太快啦!!快到令人唔記得左好多野, 經歷得太多野啦................... |
